Nmap

Nmap („Network Mapper“) არის უფასო და ღია კოდის მქონე პროგრამა, რომელიც გამოიყენება ქსელის აღმოჩენისა და უსაფრთხოების აუდიტისთვის. მრავალი სისტემისა და ქსელის ადმინისტრატორი მას ასევე იყენებს ისეთი ამოცანებისთვის, როგორიცაა ქსელის ინვენტარიზაცია, სერვისების განახლების განრიგის მართვა და ჰოსტებისა თუ სერვისების ხელმისაწვდომობის მონიტორინგი. Nmap იყენებს  IP-პაკეტებს ინოვაციური გზებით, რათა განსაზღვროს, რომელი ჰოსტებია ხელმისაწვდომი ქსელში, რომელი სერვისები (აპლიკაციის სახელი და ვერსია) მუშაობს ამ ჰოსტებზე, რომელ ოპერაციულ სისტემას (და მის რომელ ვერსიას) იყენებენ, რა ტიპის პაკეტური ფილტრები/ფეერვოლები მოქმედებს და მრავალი სხვა მახასიათებელი. იგი შექმნილია დიდი ქსელების სწრაფად სკანირებისთვის, თუმცა ასევე კარგად მუშაობს ცალკეულ ჰოსტებზე. Nmap მუშაობს ყველა ძირითად ოპერაციულ სისტემაზე, ხოლო მისი ოფიციალური ბინარული პაკეტები ხელმისაწვდომია Linux, Windows და Mac OS X-ისთვის. გარდა კლასიკური ბრძანების სტრიქონის Nmap-ის პროგრამისა, Nmap-ის კომპლექტში შედის ასევე მოწინავე გრაფიკული ინტერფეისი და შედეგების მაყურებელი (Zenmap), მოქნილი მონაცემთა გადაცემის, გადამისამართებისა და გამართვის ხელსაწყო (Ncat), სკანირების შედეგების შედარების პროგრამა (Ndiff) და პაკეტების გენერაციისა და პასუხების ანალიზის ინსტრუმენტი (Nping). Nmap-ს Linux Journal-მა, Info World-მა, LinuxQuestions.Org-მა და Codetalker Digest-მა მიენიჭა „წლის უსაფრთხოების პროდუქტის“ ტიტული. მასზე ასევე გაკეთებულია მინიშნებები თორმეტ ფილმში, მათ შორის: „მატრიცა: გადატვირთვა“, „კერკეტი კაკალი 4“, „გოგონა დრაკონის ტატუთი“ და „ბორნის ულტიმატუმი“.